Узброеныя баевікі захапілі аэрапорты Сімферопаля і Севастопаля

(абноўлена - 08:58) Узброеныя людзі спрабавалі перашкодзіць прыезду дэлегацый з Кіева.

Група ўзброеных людзей у ваеннай форме без апазнавальных знакаў захапіла аэрапорт "Сімферопаль" у Крыме ў ноч на пятніцу. Як распавялі карэспандэнту агенцтва "Інтэрфакс-Украіна" відавочцы, каля 50 чалавек узброеныя і экіпіяваныя гэтак жа, як і тыя, хто раніцай 27 лютага захапілі парламент і ўрад аўтаноміі.

Гэтыя людзі прыбылі да аэрапорце на 3 аўтамабілях КАМАЗ без нумароў і апазнавальных знакаў. Спачатку ўзброеныя людзі ачапілі тэрмінал унутраных рэйсаў аэрапорта, аднак потым прасунуліся далей.

Невядомыя знаходзіліся ў аэрапорце некалькі гадзін.

Афіцыйны прадстаўнік аэрапорта Сімферопаль у Крыме Ігар Страцілаці ў ноч на пятніцу заявіў Эху Москвы, што група невядомых людзей пакінула аэрапорт.

"Думалі, што ў нас украінскі дэсант высадзіўся, але калі паглядзелі і пераканаліся, што нічога гэтага няма, папрасілі прабачэння і адышлі", - сказаў Ігар Страцілаці.

Ён дадаў, што аэрапорт працуе ў звычайным рэжыме.

Раней, у чацвер, 27 лютага, у раёне 23:00 у аэрапорт Бельбек у Севастопалі пад'ехала больш 10 грузавікоў і некалькі бронетранспарцёраў (БТР) у суправаджэнні ваеннай аўтаінспекцыі з расейскімі вайскоўцамі ў касках і бронекамізэльках. Паводле іх сцвярджэння, яны прыбылі для таго, "каб не дапусціць прылёту нейкіх баявікоў".

Вайскоўцы разышліся па перыметры аэрадрома, развярнулі штабны БТР з сувяззю і ў цяперашні час чакаюць нейкай каманды.

Нагадаем, у Крым збіраўся прыляцець в.а. абавязкі прэзідэнта Украіны Аляксандр Турчынаў для мірнага ўрэгулявання сітуацыі.

Учора ў Сімферопалі невядомыя захапілі парламент і ўрад аўтаноміі і ўсталявалі на будынках расейскія сцягі. Праваахоўнікі адкрылі крымінальную вытворчасць па артыкуле «тэракт».

Каля паўтысячы чалавек са сцягамі Расеі і Крыма каля парламента патрабавалі прызначыць рэферэндум аб дзяржаўнай прыналежнасці аўтаномнай рэспублікі.

Днём спікер Уладзімір Канстанцінаў прызначыў пазачарговую сесію парламента, на якой дэпутаты прызначылі на 25 траўня рэферэндум па пашырэнні паўнамоцтваў аўтаноміі, а таксама выказаў недавер Савету міністраў аўтаноміі, які з лістапада 2011 года ўзначальваў Анатоль Магілёў.