Кіеў можа папрасіць ЕЗ адправіць войскі ва Украіну

Дэпутат Вярхоўнай Рады паведаміў падрабязнасці.

Украінскія ўлады могуць папрасіць еўрапейскіх хаўруснікаў адправіць войскі на фронт, калі Кіеву не будзе выстарчаць уласных сіл, заявіў дэпутат Вярхоўнай Рады Украіны Аляксей Ганчарэнка.

«Калі сітуацыя на фронце пакажа нам, што Украіна не можа спыніць Пуціна сама, без еўрапейскай вайсковай падтрымкі і войскаў, так, я мяркую, што гэта абсалютна магчыма, што мы яе можам папрасіць», - сказаў ён у эфіры французскага тэлеканала LCI.

У пачатку сакавіка газета L’Indépendant паведамляла, што прэзідэнт Францыі Эмануэль Макрон падчас сустрэчы з кіраўнікамі партый абмяркоўваў сцэнар, пры якім могуць быць уведзеныя войскі ва Украіну. Прэзідэнт Францыі сцвярджаў, што можа адправіць войскі ва Украіну, калі адбудзецца прарыў фронту ў бок Адэсы ці Кіева.

Першы раз Макрон заявіў аб магчымасці адпраўкі войск ва Украіну ў канцы лютага. «Сёння няма кансэнсусу наконт адпраўкі наземных войск афіцыйным, меркаваным і ўхваленым чынам. Але ў будучыні нічога выключаць нельга», - сказаў ён пасля саміту лідараў ЕЗ у Парыжы.