Новая аптымізацыя: на Гомельшчыне ліквідуюць 250 ферм

Войска “дармаедаў” стане яшчэ большым.

Паводле інфармацыі афіцыйнага ТГ-каналу Гомельскага аблвыканкама, колькасць малочных ферм у Гомельскай вобласці плануецца скараціць на 45%: з 550 да 300.

Са слоў старшыні Гомельскага аблвыканкама Івана Крупкі, гэта неабходна зрабіць паводле пастановы Лукашэнкі, "каб быць канкурэнтаздольнымі на міжнародным рынку".

Як адзначае “Флагшток”, што будзе з работнікамі 250 малочных ферм, якія ліквідуюцца, Крупка не сказаў.

На практыцы такае пастанова можа азначаць, што некалькі тысяч працаўнікоў адсталых гаспадарак не змогуць знайсці іншую працу ў сваіх малых населеных пунктах і будуць змушаныя міграваць.