Польшча падоўжыць абанплату тэрміналаў Starlink для Украіны
1- 6.05.2024, 20:38
- 1,352
Варшава дала Кіеву больш за 20 тысячаў тэрміналаў для спадарожнага інтэрнэту.
Польшча падоўжыць абанплату тэрміналаў Starlink для Украіны. Пра гэта паведаміў віцэ-прэм'ер-міністр у інавацыях, развіцці адукацыі, навукі і тэхналогій – міністр лічбавай трансфармацыі Украіны Міхаіл Фёдараў у Telegram у панядзелак, 6 траўня.
«Краіна падала больш за 20 тысячаў тэрміналаў Starlink, якія сталі часткай крытычнай інфраструктуры, яны забяспечваюць украінцаў сувяззю і інтэрнэтам. Сёння дамовіліся, што Польшча падоўжыць абанплату гэтых тэрміналаў. Удзячны калегам за гэтую пастанову», – сказаў ён пасля сустрэчы з віцэ-прэм'ер-міністрам – міністрам лічбавізацыі Польшчы.
Фёдараў дадаў, што таксама быў падпісаны мемарандум пра супрацоўніцтва паміж міністэрствамі, далей Украіна і Польшча будуць укараняць супольныя праекты ў лічбавізацыі, развіцці ІT-індустрыі, штучнага інтэлекту і электронным кіраванні.
Міністры таксама абмеркавалі пытанні падтрымкі працы дата-цэнтра для Дзяржаўнай падатковай службы Украіны, пабудаванага на тэрыторыі Польшчы для бяспекі важных звестак.