Як «утаймаваць» расейцаў ва Украіне?
4- 8.05.2024, 10:01
- 9,692
Брыгадны генерал войска ЗША даў «рэцэпт».
Поўнамаштабная вайна ва Украіне працягваецца, і для запаволення і «адыгрывання» назад прасоўвання РФ трэба, каб улады ЗША і хаўруснікі з NАТО аслабілі абмежаванні для вядзення баявых дзеянняў, якія яны наклалі на абсталяванне, якое пастаўляецца з Захаду, дазваляючы Украіне выкарыстоўваць яго так, каб яно цалкам раскрыла свой патэнцыял.
Краінам Захаду таксама трэба змяніць падыход да надання дапамогі ўкраінскай дзяржаве, падзяліўся сваім меркаваннем з Politico брыгадны генерал войска ЗША ў адстаўцы, экс-памочнік дзяржаўнага сакратараў ваенна-палітычных пытаннях Марк Кіміт.
«Пасля шасці месяцаў дэбатаў ЗША нарэшце прынялі свой дадатковы пакет дапамогі Украіне некалькі тыдняў таму. Але, хаця боепрыпасы могуць неўзабаве дабрацца да войскаў на перадавой, праўда ў тым, што калі ЗША і іх хаўруснікі не зменяць спосаб падтрымкі вайны, гэта, відаць, будзе занадта мала і занадта позна», - папярэдзіў экспэрт.
На яго думку, надышоў час больш рызыкаваць вайсковымі запасамі Штатаў і іншых заходніх дзяржаў. «...няўдача ва Украіне можа падштурхнуць да новай вайны», - мяркуе брыгадны генерал.