Кубракова адправілі ў адстаўку

Меркаваны пляменнік кіраўніка МУС Беларусі звольнены з пасады віцэ-прэм'ера Украіны.

Вярхоўная Рада Украіны прагаласавала за адстаўку Аляксандра Кубракова з пасады віцэ-прэм'ера ў аднаўленні Украіны - міністра развіцця грамад, тэрыторый і інфраструктуры.

Пра гэта паведамляе РБК-Украіна са спасылкай на Telegram-канал народнага дэпутата ад «Голасу» Яраслава Жалезняка.

«За» адстаўку Кубракова прагаласавалі 272 народныя дэпутаты. Пры гэтым «устрымаліся» ад галасавання 35 дэпутатаў. «Супраць» не было нікога.

Украінскія СМІ паведамлялі, што Аляксандр Кубракоў з'яўляецца родным пляменнікам міністра ўнутраных спраў Беларусі Івана Кубракова, а ягоны родны брат Мікалай і з'яўляецца бацькам новага ўкраінскага міністра.