У Віцебскай вобласці затрымалі двух каталіцкіх святароў

Затрыманне адбылося ў пасёлку Шуміліна.

8 траўня сілавікі затрымалі каталіцкіх святароў Анджэя Юхневіча і Паўла Лемяха, паведамляе тэлеграм-канал «Хрысціянская візія». Затрыманне адбылося пасля сустрэчы святароў і каталіцкай грамады Віцебскай дыяцэзіі ў пасёлку Шуміліна.

Прычыны затрымання невядомыя.

Анджэй Юхневіч - кіраўнік каардынацыйнай групы пробашчаў і прадстаўнікоў манаскіх грамад Беларусі.

Павел Лемях з 2017 года ўваходзіць у грамаду місіянераў-аблатаў Беззаганнай Дзевы Марыі (аблаты - людзі, якія вядуць манаскі лад жыцця, не становячыся пры гэтым манахамі).